ماتيجى نضحك سواااا...

في واحد نام متأخر ........ فاته الحلم

واحـد صـدع راسـه حـط عـلـيـه جـبـس

واحد ابنه طلع من الاوائل ,,,, شفره زي القنوات الفضائية

ميكانيكي أشترى سرير ....... نام تحته

واحد ضاق خلقه ........ اداه لأخوه الصغير

مدرس كيمياء رزق بولد .... فسماه سامي أكسيد الكربون

واحـد بـخـيـل ...ابـوه مـات بـكـى عليه بعـين واحـدة

واحد بيدور على وظيفة

وسمع عن وجود وظائف خالية

وذهب في الموعد المحدد وكله أمل في الحصول على الوظيفة الخالية .. وهناك سألوه

· قالوا له : متى يكون حاصل ضرب 3*3 =10؟

فقال : عندما تكون الإجابة خاطئة

· قالوا : ما هو الشي الذي له أكثر من جناح ولا يطير؟

قال : الفندق

· قالوا : ما هي الكلمة المكونة من أربع حروف إذا أكلت نصفها تموت ، وإذا أكلتها كاملة لا يصيبك شيء؟

قال : سمسم

· قالوا : من هو الرجل الذي يستطيع أن يقف على الأرض ورأسه فوق النجوم ؟

قال : الضابط

· قالوا : ما هو أكبر عدد من المواليد يمكن أن تضعه النعامة ؟

قال : النعامة تبيض ولا تلد

· قالوا : ما هو الشيء الذي بدونه لا تستطيع أن تحصل على الوظيفة في هذه الشركة ؟

قال : الواسطة

· قالوا : وهل معك الواسطة ؟

قال : لا

قالوا له : ورينا عرض أكتافك
-------

اتنين مساطيل اعدين يحششو في المقابر ومرت جنازة فواحد بيقول للتاني هي جنازة مين دي يا محمد؟ فرد علية دي جنازة الشيخ محروس فقال الاولاني يا حول الله
وتاني يوم وهما اعدين في نفس المكان مرت جنازة فنفس الشخص سال بيقول للتاني هي جنازة مين دي يا محمد؟ فرد عليه دي جنازة الشيخ محروس فقال الاولاني يا حول الله
وتالت يوم وهما اعدين في نفس المكان مرت جنازة فنفس الشخص سال بيقول للتاني هي جنازة مين دي يا محمد؟ فرد عليه دي جنازة الشيخ محروس
فرد عليه هي الدنيا ملطشة معاه كدة لية

مرة واحد قابل واحد اخنف فسالة قالة "انت بتشتغل اية؟" فرد علية الاخنف وقالة "فننان" قالة "يعنى بتغنى" فرد الاخنف "فننان" فرد الاخنف "فننان" قالة الراجل "يعنى اية بتمثل؟" يعنى فرد الاخنف قالة "لا فننان يعنى بحت العيش فى الفن"

**********************************
مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. ام واحد معدي في الشارع جه قال له: في إيه ؟؟؟؟ راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!!

**************************************************
واحد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه.... فبص لهم وقال: ياجزم كنت هتخنق

************************************************** **************************

بعد بحث دام عدة سنوات وقف العالم أمام حشد كبير من الناس ومن بينهم علماء العالم :وأخيراً وبعد عدة سنوات إليكم ما توصلت إليه وضع العالم على منضدة أمامه عنكبوتاً ثم قال للعنكبوت : امش للأمام خطوتين ،ففعل العنكبوت ثم قال :ارجع للخلف خطوتين ، ففعل العنكبوت ذلك ثم أخذ العنكبوت وخلع يديه ورجليه كلها ، ثم وضعها على المنضدة مرة أخرى وقل : امش للأمام خطوتين ،فلم يفعل العنكبوت ثم قال مرة أخرى : امش للخلف خطوتين ،فلم يفعل ذلك أيضاً وهنا نظر العالم للجمهور بكل ثقة وافتخار وقال :أرأيتم ذلك ،هذا ما توصلت إليه ،بأن العنكبوت إذا فقد أرجله يفقد حاسة السمع

**************************************************

مرة اتنين اصحاب بيقولو ابعض تصدق انا الخدام بتاعى غبى اوى فالتانى قالوه لا ده انا الخدام بتاعى اغبى فقالوه الاولانى تعالى نشوف فجه الاول ونادى الخدام بتاعه وقالوه خد الربع جنيه ده وروح اشترى ليه عربيه مرسيدس واليانى نادى الخدام بتاعه وقالوه روح النادى وشوفنى هناك ولا لآ فراحوا الخدامين و اتقبلو فى السكه فواحد منهم قال للتانى تصدق الراجل اللى انا بشتغل عنده غبى اوى تصور بعتنى اشتريله عربيه و ما يعرفش ان انهارده الحد والمحلات قافلة فالتانى قاله لا ده انا بشتغل عند واح اغبى من بتاعك تصور بعتنى النادى اشوفه هناك يعنى مش قادر يرفع سماعة التليفون و يسأل على نفسه

************************************************** **************************

بلديتنا عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا واجوزه واحدة من هناك عشان يعرف يتكلم انجليزى، راح فى الصباحية بيقولها "مستر هريدى موجود؟" قلتلوا "نجولو مين؟"

************************************************** **************************

واحد ندل قعد يتحايل على حبيبته علشان تخرج معاه لمده سنه ولما وافقت راح قال لابوها

************************************************** **************************

مرة حلاق بيعلم ابنه الحلاقة فدخل زبون المحل يحلق دقنه فقال لابنه "لو جرحت الراجل هاضربك" بدأ الابن فى الحلاقة فجرح الراجل فجاء الاب ليعطيه بالكف فابعد الابن نفسه فضرب الزبون، ثم اكمل الابن فجرح الرجل مرة اخرى وتكرر نفس الموقف، ثم جاءت المرة الثالثة وجرح الرجل فقال للولد "اسرع وخبا الجرح قبل ان يراه ابوك"

************************************************** ************************
مره واحد عنده مزرعه فراخ وكانت فشله جدا راح لمهندس زراعى قاله انا مش عارف ازرع الفراخ قاله ليه قاله زرعتها من رجليها مطرحتش زرعتها من جناحها مطرحتش زرعتها من دماغها مطرحتش المهندس قاله هات عينه من الارض

************************************************** **************************

مره واحد راح السرك وقرر انه يعمل حاجه مختلفه راح جاب نمله وقعد يدربها10 سنين علشان تقف على رجل واحده فراح رايح لولد صغير فى الشارع وقاله بص يا حبيبى النمله دى بتقف على رجل واحده فراح الولد مسك النمله وفعصها وقاله ايه ده يا عمو دى نمله فقرر انه يعيد التجربه وقال عيال صغيره ايه انا هاروح لولد كبير جاب نمله تانى ودربها 10 سنين وراح لواحد كبير فى الشارع وقاله بص النمله دى بتقف على رجل واحده فمسك النمله وفعصها وقاله ايه ده يا عمو انا مش قولتيلك من 10 سنين ان دى نمله

************************************************** **************************

مره واحد ماسك ثلجه ساعتين فاصاحبه بيقوله انتا ماسك الثلجه بقالك كتير قال له نفسى اعرف هى بتخر منين

************************************************** **************************

واحد رخم دخل أحد المطاعم وطلب صحن فول، وبعدما أنتهي من آكله سأل الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج ال13 قرش ورماها على الارض.. وتكرر المشهد 3 أيام متتالية. وفي اليوم الرابع دخل المطعم وما معاه صرافة فاعطى الجرسون ربع جنيه(25) قرش وقال له واحد فول، طبعا الجرسون حب ينتقم منه فاحضر الباقي(12)قرش ورماهم على الارض وقال له خذ الباقي، فاخرج الرخم قرش من جيبه ورماه فوق ال( 12) قرش وقال للجرسون كمان واحد فول

************************************************** **************************

واحد ساكن فى الدور التاسع وتحتيه بقال كل شويه الراجل صاحب البقاله ينده عليه ويقول له تليفون ليك وكل شويه الراجل يفضل يطلع وينزل يرد على التليفونات واحد صاحبه شافه فقال له ما تشتريلك موبايل احسن اام الراجل اشترى الموبيل واده للبقال وقال له اى حد يتصل بيه اندهلى

************************************************** **************************

مجموعة في مستشفي المجانين قرروا الهروب فالزعيم بتاعهم قال لهم الخطة بسيطة، ناخد معانا سلم عشان لو لقينا السور عالي نطلع السلم، و لو لقيناه واطي ننط من فوقه. فلما وصلوا لقوا ان المستشفي من غير سور قالهم ياللا نرجع الخطة فشلت!

************************************************** *************************

واحد راح لطبيب نفسانى وقاله "مشكلتى يادكتور انى باحس ان الناس كلها مش طايقانى ومخنوقين منى" الدكتور للممرضة "بسرعة المريض اللى بعده"

************************************************** *************************

أغبيه راحو يلعبو بلياردو، واحد منهم وقف فوق الطرابيزة وقال لهم انا الجوووون

************************************************** **************************

واحد غبى لقى قرد فى الشارع .فراح لعسكرى المرور وقاله اوديه فين . قاله وديه جنينه الحيوان فراح ورجع تانى يوم لعسكرى المرور والقرد معاه. قاله العسكرى مش قولتلك وديه جنينه الحيوان. فرد عليه الغبى ما انا وديده امبارح جنينه الحيوان النهارده هوديه السينما

************************************************** **************************

مرة مدرس بيسأل طالب : من اين ياتى البن ؟ رد : لااعرف فحب المدرس يسهلهاله قاله انتم بتجيبوا البن منين؟ قاله من عند الجيران!!

************************************************** ***********************

مره واحد ندل فتح مصنع بيبسى وكتب على كل ازازه (رج جيدا قبل الفتح)

************************************************** ***********************

مره واحد سايق عربيه شاف يافطه مكتوب عليها ( خفف 100 ك) راح مخفف 100 ك لقى يافطه تانيه مكتوب عليها (خفف 50 ك) راح مخفف50ك لقى يافطه مكتوب عليها "اهلا بكم في مدينه خفف"

************************************************** ***********************

واحد غبى بيحلق دقنه التليفون رن عور نفسه علشان لما يرجع يعرف هو وقف لحد فين

************************************************** ***********************

مرة واحد مسئول بيفتتح حمام سباحة فالمدير قال له "ده المنط يا فندم 30متر، قوم نط يا مرزوق" فنط مرزوق . "وده يا فندم منط 50 متر قوم ياعوض نط" فنط عوض ."وده يا فندم منط 80 متر قوم يا نجيب نط" فنط نجيب، فقال المسئول "هايل ..هايل .." قام المدير قال "ولسه يا فندم لما نملى الحمام ميه"

************************************************** ***********************

واحد عنده أرق ونفسه ينام..قاله صاحبه "عد من واحد إلي 500 وهتنام..فأخذ يعد حتي وصل إلي 109 فشعر بالنعاس قام يغسل وجهه حتي يصل إلي 500

************************************************** ***********************

مرة واحد غبي راح للدكتور و قاله "كل منطقة في جسمي بتوجعني" كشف الدكتور عليه مفيش حاجة وجعته سأله تاني "فين المنطقة اللي بتوجعك"، قاله "هنا و هنا و هنا" و هو بيشاور بصباعه في كل مكان و قاله "بص يا دكتور حتي راسك بتوجعني" فاكتشف الدكتور إن صباع المريض مكسور

مرة واحد دماغه لفت قابلها من الشارع التاني

=================================

مرة واحد عداه العيب خد اللي بعده

=================================

مدير مدرسة عمل فرح وزع على المعازيم أرقام جلوس

=================================

واحد اتجوز واحدة اسمها نعمة باسها وش و ضهر

=================================

واحد شحات راح لواحد عجلاتي قال له أعطيني مما أعطاك الله
، قال له العجلاتي خد لك لفة

=================================

مدرس جغرافيا جاب لمراته هدية سلسلة جبال

=================================

واحد بلدياتنا نزل محطة مصر لقى بتاع الأنابيب بيخبط
عليها، قال له افتحلي واحدة ساقعة لو سمحت

=================================

واحد بلدياتنا عاوز يفسح عروسته في شهر
العسل، فسحها في منحل

اتنين مساطيل .. قال الأول : بالي مشغول من امبارح.. فأجابه الثاني : يمكن حد رافع السماعة

مرة واحد نام متأخر لقي الحلم بادي.

واحد قاعد مع صديق له صوته وحش قوي، قعد يغني وبعدين قال لصاحبه: صوتي هو الثروة الوحيدة إللي اداها لي ربنا! فقال له صاحبه: والله الفقر مش عيب! .

بلدياتنا بيجروا ورا بعض طلعوا من الكورة الأرضية.

واحد بلديتنا حب يعمل ارهابى .. خطف ابنه .. محدش سأل عليه قتله.

مرة أثنين مساطيل قاعدين مع بعض ، فواحد قال للتاني هو محمد فؤاد أخو بور فؤاد ، فالتاني قاله لا يا عم بور فؤاد دي بلد ومحمد فؤاد بلد تاني خالص

>>>>>> رساله من مدرس رياضيات الى مدرسة رياضيات <<<<<<

حبيبتي فرق مربعي حدين

أبعث إليك تحياتي الفراغية

وأشواقي التحليلية

محملة ببراهيني الهندسية

شكلها مستطيل

وحلها مستحيل

أتذكرين يوم كنا نتمشى على الخط المستقيم

ونستمتع بالشعاع الوارد سين فتحة

ويوم كنا نستظل بظله

ونضرب بعضنا بالكسور العشرية

فراقك جعلني شبه منحرف

وطيفك يرافقني كمنصف الزاوية

من أجلك جعلت من نفسي

قاسما مشتركا أعظم

ومثلثا متوازي الساقين

وما زالت نظرية تالس تعبر عن توازي حبي لك

مع حبي للمتطابقات الشهيرة

أذكريني

أنت يا وتر حياتي

ويا ظلعي القائم

================================
بخيل اتزوج بخيلة جابوا بنت سموها حصالة
================================
البخيل: حظي سيئ!! الصديق: ولماذا ؟ البخيل: لأن الصيدلية التي بجوارنا
أعلنت عن تخفيضات وليس فينا أحد مريض
================================
تراهن بخيلان على من يبقى تحت الماء أكثر من الآخر يدعوه للعشاء...
فلم يخرج أحد منهما حتى الآن
================================
انزلقت سيارة تاكسي على منحدر شديد فصاح السائق برعب: لا أستطيع
ايقاف السيارة فرد الراكب البخيل: أوقف العداد بسرعة
================================
اجتمع ثلاثة من البخلاء وقرروا التبرع بجزء من مالهم بعدما كثر كلام
الناس عليهم. قال البخيل الأول: سأرسم دائرة على الأرض وأرمي المال في
السماء فالمال الذي يسقط بداخلها لي والمال
الذي يسقط خارجها للفقراء!! قال
الثاني: أما أنا فسأرسم خطاً على الأرض وأرمي المال في السماء فالمال الذي
على يمين الخط لي والمال الذي على شمال الخط للفقراء!! فقال الثالث ( وكان
أشدهم بخلاً): أما أنا فسأرمي المال في السماء فالمال الذي يسقط على الأرض لي
والمال الذي يبقى في السماء فللفقراء

---------------
كان فى طيارة فيها اربعة .. واحد امريكى وواحد ايطالى وواحد المانى وواحد صعيدى .. الطيار قال لازم تلاتة ينطوا من الطيارة دي احسن تقع !! جه الامريكى قال احنا بتوع الشجاعة وراح ناطط .. جه الالمانى قال احنا بتوع الكراتيه وراح ناطط .. قام بقى جه الصعيدى قال احنا بتوع الغلاسة وراح زاقق اللى جنبه .

كان فى تلاتة واحد اسبانى وواحد المانى وواحد صعيدى اتحكم عليهم بالسجن 100سنة وقالولهم كل واحد قبل مايتسجن ليه طلب واحد بس الاسبانى قال انا عاوز واحدة ست تكون معايا المدة كلها والالمانى قال انا عاوز خمور تكفينى المده كلها والصعيدى قال انا عاوز سجاير بلمونت المهم جم بعد المائة سنة فتحوا على الاسبانى لقوا طالع من الزنزانة شباب وبنات كل الاعمار وفتحوا على الامانى لقوه سكران طينة وفتحوا على الصعيدى لقوا السجاير كلها موجودة زى ماهى وحاطط سيجارة فى بقه وبيقول ماحدش معاه ولعة .

مرة واحد اتخانق مع ابوة قام ساب البيت و مشى .. قام ابوة قاله رايح فين ؟؟ قام الواد مردش عليه .. و راح موقف تاكسى و ركب .. السواق قاله على فين ؟؟ قاله اذا كان انا مقلتش لابويا !! هقلك انت !!!! .

مرة حمار بيقول لخطبتة احنا هنتجوز امتى يا حمارة قلتلة لما تحسن الفاظك شوية يا حيوان

مره واحد بارد قوى ركب اتوبيس شاف بنت حلوه قعده بصلها بصتله غمزلها غمزتله راح مقرب منها و قال ننزل المحطه الجايه هى نزلت و هو اعد على الكرسى

واحد أحول راح يجيب أبوه من المطار باس الشنطة وشال أبوه

إثنين ساكنين في خيمة ونايمين على ظهورهم بالليل .
شاف الأول السما وقال للثاني : شايف إية؟
قال: شايف النجوم.
قال الأول :وده معناه ايه ؟
قال: إن في مجرات وكواكب غيرنا في الكون
قال الأول : دة معناه ان الخيمة اتسرقت يا حيوان .

واحد بلديتنا قال لمراته نكتة وبعد النكتة.
مراتة : هى هى هى بايخة
بلدياتنا : هى هى هى انتى طالق

سأل أستاذ تلميذه: ما اسم الحيوان الذي تصحو على صوته كل صباح؟
أجاب: بابا .

واحدة عاوزة زوجها يحبها من اول ليله قالته : اسكت .. مش انا حامل

بلدياتنا حب يوصل بلده بسرعة ركب القطر وقعد يجرى فيه

مأذون مش لاقي شغلانة طلق مراته

ولد صغير بيقول لـ مامته .. بتضربينى ليه يا ماما .. هو انا بابا

مره واحد حط حجر للراديو المذيع اتصطل

مره واحد بلديتنا اتغاظ من مراته ولع فى نفسه وحضنها

مرة دكتور تحليل امه ماتت قال تحاليلي ياما

مرة جاموسة جلها جفاف جابت لبن بودرة

مرة واحد فرعونى حب واحدة فرعونية قال لها: (آمون فيكي)

دكتور محشش ضحى بالأم و الجنين عشان العمليه تنجح

محشش قالوا له قول لنا طير بحرف الكاف، قالهم كنتاكي

فرخة استحمت بهد اند شولدر باضت بيضة من غير قشرة

اغبيا عملوا مظاهره عشان يصلو الجمعه يوم التلات

واحد رخم نزل الشارع وقف قدام عمود ... قالوه عديني

غبى لقى أتوبيس مكتوب عليه السيدة زينب - قلع الجزمة و ركب

واحد رخم أوي دخل غرفة دردشة عمل على الناس كلها (إجنور)

واحد كمسري بيقول لابنه : ان "تذااااكـــــــــــــــر" ... تنجح

بلدينا داخل عند حلوانى قاله عندك جاتو قاله اه قاله هاتلى قفصين

اليسا وهيفاء وهبي ونانسي عجرم راكبين قطر وبيكلموا عن فارس أحلامهم
إليسا قالت : نفسي أتجوز ضابط
هيفا قالت : نفسي أتجوز صيني
نانسي قالت : نفسي أتجوز لاعب كرة مشهور
سمعهم واحد متطفل دخل عليهم وقالهم معاكوا العقيد شونج يونج الشهير بأبوتريكة

مرة فار سكران على الاخر شافة قط جعان قعد يجرى وراة فعدت عربية بسرعة
فرمت القط.. والفار اغمى علية ولما فاق وشاف القط مفروم قال (يووة هو انا كل ما اسكر اعملى مصيبة)

واحد غبى راح لواحد بياع تيليفزيونات بيسأله عندك تيليفزيونات ملونة البياع قال له ايوه راح الصعيدى قايله ادينى واحد أخضر

نذل يبكي في جنازة سألوه تعرفه ؟ قال: لا بس سمعت ان البكاء يعذب الميت

مرة ضابط مصري وضابط اسرائيلي دار بينهم هذا الحوارالاسرائيلي: الا قوللي يا انتم بتاكلوا ايه ع الفطار؟؟
المصري: فول بالزيت.
الاسرائيلي: طب بتاكلوا ايه ع الغدا؟؟؟
المصري: فول بالطماطم.
الاسرائيلي: أمال بتاكلوا ايه بقى ع العشا؟؟
المصري: فول بالبيض.
الاسرائيلي (بتريقة): أمال ايه الفرق بينكم وبين والبهايم؟؟
المصري: سيناء

مرة واحد دخل على مراته البيت لقى معاها راجل..قالها : و الله عال..النهاردة راجل...بكرة سجاير !!!

بلديات فتح محل انابيب غاز .. فجّر اسطوانتين فى وسط البلد .دعاية

تلاتة ركبوا طيارة .واحد صعيدي و واحد فرنساوي و واحد امريكاني
جت المضيفة :"تشرب ايه يا فندم" رد الامريكاني قالها اشرب مانجة يا مانجا
و رد الافرنساوي اشرب فراولة يا فراولة
و رد الصعيدي اشرب لبن يا داموسة!!!!!!

مرة واحد حشاش بيعلب كورة اخد الكورة على صدرة طلعها من منخيرة

واحد حانوتي ربنا فتحها عليه و فتح محل فكهاني..كل يوم في المحل يقعد ينادي :
الموز علينا حق !!!

اثنين بلديتنا قاعدين بيمصوا قصب لما حبو يقوموا ملقيوش الشوم بتاعهم

واحد من الشام راح لبنان و دخل علي محل مستحضرات تجميل و سأل البائع
الشامي: بدي ( لبنان بو)
البائع: شو ؟؟؟؟!!
الشامي : بدي لبنان بو
البائع: شو ها اللبنان بو
الشامي : مبتعرف شو اللبنان بو!!!
البائع: لا خيي مبعرف
الشامي : غريبة عندنا بالشام في ( شام بو)!!!!!

مره اثنين بلدياتنا راحوا امريكا فلقوا أتوبيس بدورين فقال الاول للثانى .. نركب فوق يا ولد فقال له الثانى يا غبى فوق ما فيش سواق

طلب مدرس من تلميذغني جدا ان يكتب موضوع تعبير عن عيلة فقيرة فقال التلميذ : كان في عيلة فقيرة الأب فقير و الأم فقيرة و الأولاد فقراء و الشغال فقير و السواق فقير و البستاني فقير كلهم فقراء!!!!

مره واحد بلديات أخد 8986 قفا علي سهوه

مره واحد بلديتنا اشتغل فى الكويت بعد سنه بعت لاهله فلوس ودسته جاتوه بعد اسبوع اهلوا بعتوله جواب بيقولولوا اهلك يبسلموا عليك نفر نفر وبيقلولك الصابون الى انت باعته بيوسخ الهدوم

مسطول بيسأل مسطول الساعه كام؟ قاله معرفش، قاله غريبه أنا عندي معرفش إلا خمسه

اتنين بدوروا على زوجاتهم فى السوق, فاتفقوا كل واحد يدور على مرات التانى , فاللبنانى بيوصف زوجته للصعيدى وقاله: شعرها أصفر وعيونهازرق وقوامها سمبتيك , ها وشو أوصاف زوجتك؟ رد الصعيدى وقاله: سيبك من مراتى ويلا بينا ندور على مراتك

واحد بيقول لخطيبته لما ازمرلك انزلى قالتله هو انت اشتريت عربيه قاللها لأ اشتريت زماره

ومرة مدرس بيسأل تلميذ
المدرس: الثعلب يا حبيبى بيبض ولا بيولد
التلميذ: أصل التعلب ده يا استاذ مكار وممكن يعمل أي حاجة

مره واحد صعيدى قابل واحده اجنبيه
سالها : انتى منين
قالتله: وات؟ what?
قالها: اجدع ناس الوتاوته

واحد بتاع موبيلات نظره ضعف فراح لدكتور العيون ...كشف عليه وقاله :نظرك ضعف بقى ستة ستميه

صعيدي اخد شهادة الدكتوراة قال لمراته والله ما خبرشي ليه الناس بيضحكوا عالصعايدة؟ اديني جبت الدكتوراة فقالت له مراته : دق عالخشب لا تصيبك عين قام دق عالخشب قالت : مين عالباب؟ قالها خليكي هنه حشوف مين

واحد محشش راح يخطب واحده ..
ابوها قاله:" انا عليا الشقة.."
رد عليه وقاله :" وانا عليا البنات والبيره !"

مسطول راح المحكمة
القاضى بيسأله انت متجوز مين؟
قاله:متجوز واحدة ست
القاضى قاله انت هتهرج؟أمال فى حد بيتجوز راجل؟
قاله:اه اختى

واحد باشا دار عليه الزمن وافتقر حب يشتغل
إشتغل بياع فجل وجرجير
طول النهار واقف فى السوق ولابس طربوش وبينادي:
فجل يا حوش .. جرجير يا كلاب

واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب الاتوبيس ونوفّر النص جنيه .... فرد وقال له طب منجرى جنب تاكسى ونوفّر خمسة جنيه

مرة أغبية سافرو امريكا واحد منهم رجع والتانى مرجعش... فواحد سألة فين صاحبك؟؟؟ قال له ده اول ما راح هناك اتجنن من ناطحات السحاب وطلع عمارة 500 دور ... ورمى نفسة من الدور ال 500 ونزل فى 3 ايام ..... قال له ومات ؟؟؟؟ قال له انت عايزه ينزل فى 3 ايام من غير اكل و لا شرب وما يمتش

واحد بينادي تاكسي وبيقولة تاكسى نادى الشمس السواق قاله ناديها انت.

واحده ست مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم ؟!!!

طلع مجموعة صيادين يصطادو وكل ما يصطادو حاجه كلابهم تجري تجيب الفريسه ما عدا كلب واحد بيخاف من صوت الرصاص فقالو لصاحبو خده الافراح اللي بيحصل فيها ضرب نار كتير عشان يتعود على الرصاص وبعد ما اخده لمدة 6 شهور رجع يصطاد تاني ولما اصطاد الفريسه الكلب اعد يزغرط

زرافة و فيل وأسد وفأر وثعلب وارنب ماشيين في الغابة , وقعوا كلهم في حفرة إلا الزرافة ,قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل، قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم .. قام الفأر نط مفزوع وقال لهم : اللي حيقرب من الأسد حيعرف شغله